يا ونتي للشاعر الكبير بن لعبون

ياونتي منها ظلوعي حطاما = على عشيرٍ بالهـوى مـات مغبـون
شالوه من دار الحيا للعداما = ومن الحصى وتـراب قامـوا يكبـّــون
من عقب مالفوه بقماش خاما = قاموا على بيض النصايب ينصـّـــون
مات الحبيب ولا لحق له مراما = وبالله ياللي تدفنونه علـى الهـون
حطوا نفق له عن سواد الظلاما = ودي ازوره مثل ناس يـزورون
و أعايده نهار عيد الصيامـا = وأقابلـه وأرضـي عيـون يحنـون
عسي اليا سلمت رد السلاما = وأهل الهـوى والحـب لازم يـردون
إحساسهم يصدق بليا كلامـا = وغرامهـم يبقـى ولوهـم يموتـون
ابي اتطوى عند قبره اعواما = وش عاد لو قال الملاصار مجنـون
شبيه خلي فوق كف النشاما = حر مـن اللـي بالمقانيـص يهـدون
جنسه قليل وغير خلي حراما = لا علهـم عقـب الحبيـب يولـون
من أول أكتم حزين الهياما = واليوم بـاح السـد ياللـي تعذلـون
ويلاه كيف الدود يمحى العظاما = ياكل جسد مضنون عيني وترضون
ارموا بجسمي مع وفي الغراما = هذا العزا ياللـي بموتـه تعـزون
يا راحل لدار الرضى والكراما = قل له عشاشيقك من البعد يبكـون
قل له عيون صويحبك ماتناما = يسهر وخلـق الله بقربـه ينامـون
اما حياة في هنـا والتئامـا = والا ممـات اثنيـن بالعهـد يوفـون
هيض عذابي ناحيات الحماما = ظنـي لهـم خـل بفقـده ينوحـون
حياتنا غطى عليها الغماما = واجد اليا عشنـا مـع اللـي يعيشـون
لا وحسافه غاب بدر التماما = تحت التراب احبيــّــب الـروح مدفـون

عجزت انام والنــــوم ســـــــــــلطان ..
والســـــهر هالليله ملزم يخاوينـــي
سلمت امري للرحـــــــيم الرحـــمن ..
وقلت يا رب الطــــف فيـــــــــــــــني
الشــوق اشــعل في خافقي نيران..
وانا انتـــــــــــظر ردها مته يبيجيني
اضم طيف واسمع صــــــوت انسان..
لو مر طيفه غصب يبـــــــــــــــكيني
عليله و ادواها انا ,وانا تعبـــــــــــان ..
الهـــــــوى بيننا اشفيكِ وتشفيني
اخبط وكل من شافني قال سكران ..
دام شـــربت كأسك وش يصحيني
أحبــــــــــــــك ايه, وحيل لك ولهان ..
وانتظر الفــــــــــــرج يا عله يجيني

» آية النسف للشاعر أحمد مطر
» رسالة من فيجا الكبير