واحد كسلان جدا اشر لتاكسي مسرع
سائق التاكسي ضرب بريك
الكسلان صاح يي يي يي عليه روووح رووووح
عمي خلص رووح الله معك
العمى وقفتلي محل مابدي انزل
-------------------------------------------------
واحد اشر لتاكسي
ساله فاضي يا معلم قاله فاضي
قال له انا مش فاضي
------------------------------------
واحدج اشر لسائق تاكسي وقال له
فاضي يا سطة
جاوب السائق نعم
فقال له طب تعال نلعب طميمة
خخخخخخخخخخخخخخخخخخخخخ
بعرف بايخة
لكن كل ما سبق مقدمات ههههههههههههههههههههه
بسم الله الرحمن الرحيم
ابدأ
----------------------------------------
------------------------------------------
فاضي معلم ؟
-شرّف
-بس ممكن تشغل
العداد
-لوين مشوارك ؟
-عالمزة
-ياسيدي يلي بيلاقي تكسي هالايام بتكون امو
رضيانة عليه
هي اول صدمة لانو اكتر من التكاسي مافي...والتانية لما مرت سيارة
مسرعة ودوبلتنا فكانت مصيبة وحلت فوق راسي
-شوفيرنا ماكذب خبر ونزل فيه مسبات
من
الزنار ونازل ومد ايدو وراسو من الشباك وعم يأشرلو وايدو التانية عالزمور وهوي عم
يتوعدوا ليعلمو الادب
-بسيطة يااخي طول بالك
-أي مافشر..بدي عرفو قيمتو وين
بدو يهرب
-يااخي ماصار شي
-عيني لا تتدخل بشي مابخصك لو شو ماصار مابخليه
يعلّم علي
وابتدا السباق..من العدوي لشارع الثورة وبعدها البحصة ومنها لساحة
المزرعة لنصل لساحة الشهبندر.. وطول الوقت وانا عم هديه وهوي عم يصرخ
ويبهدل..
بعد ساعة وربع ضيعنا السيارة يللي عم نلاحقها فوقف التاكسي وعيونو عم
تقدح نار وصار يخبط عالدركسيون وبعدين اتطلع علي
-الحق عليك انت لوما كنت عم
تحكي معي طوال الوقت كنت لحقتوا
-!!!!!!!!!!!!!!!!!!!!!!!!!!!!!!!!!!!!!!!!!!!
طبعا انا سكتت ولا كنت باكل اتلة بعدين
-شبك ليش ما عم ترد؟
-قديش
حسابك؟
وقتها سكت واتطلع عالعداد فلقاه 270 ليرة وبيّن عليه انو اكل الطعم لا
لحق السيارة من جهة وحط بنزين عالفاضي من جهة تانية وعصب من جهة تالتة
-لوين كان
مشوارك؟
وقتها رجعت بينت السيارة يللي كان عم يلحقها ووقفت قدامنا ونزل منها
شاب
-مسالخير ابو الشباب بعتذر كتير منك كنت عم شوفك وانت عم تلحقني بس ماعرفت
ليش وماكان في مجال وقف لانو مرتي مريضة كتير ولازم انقلها عالمشفى بس اكيد في شي
مهم حتى مشيت وراي كل هاد الوقت..خير؟
اتطلع الشوفير فيني وانا عم بنزل من
السيارة وكان باين عليه اديش خجل من حالو وانا من جهتي قررت كمل طريقي
بالميكرو..
وصرت فكر كيف انو اليوم اسهل شي يصير مشكلة. وعنا استعداد نضيع وقتنا
بالقتال والمشاكل وماحدا عندو استعداد يسامح التاني