حل مشكلة جامدة The Disk is write protected

النهار دا جايب لكم حل لمشكلة جامدة بهدلت الرجالة



اقول لكم

كان فيه موضوع واحد عرض فيه مشكلة عن الفلاش ميموري

تيجي تنسخ عليها او تيجي تحذف منها تطلع رسالة تقول


Error Copying File or Folder

Cannot copy ) File Name ) The disk is write protected. Remove the write protection or use another disk


الاخ عرض المشكلة




تاخدها على جهاز تاني تشتغل و تبقى آخر حلاوة

ترجع للجهاز اللي انت كتفتها فيه تبقى محمية

خلاصة الكلام






ليه ؟

لانه اخد فلاش ميموري تانية يشتغل بيها على الجهاز اياه لقاها محمية

جاب هارد دسك خارجي و جا يشتغل بيه لقاه محمي

مع انهم شغالين زي الحلاوة مع الاجهزة التانية


معنى الكلام ان العقدة في الجهاز ذاته مش في الفلاش او الهارد الخارجي


طيب تحلها ازاي

زمان احنا عملنا المشكلة باستخدام السيكيوريتي

لكن الحل ما نفعش من الطريق دا

طيب يبقى الحل فين ؟



قولوا بسم الله الرحمن الرحيم


الحل انك تفتح Run و تكتب Regedit علشان تشغل محرر الرجستري

حلو ؟ قولوا حلو

في الرجستري تروح فين ؟

خد العنوان دا


HKEY_LOCAL_MACHINE\SYSTEM\CurrentControlSet\Contro l\StorageDevicePolicies


في العنوان دا ها تلاقي الاسم دا WriteProtect في الناحية اليمين

تغير القيمة بتاعته من 1 إلى صفر

ممكن تلاقي برضه حاجة بالصورة دي

HKEY_LOCAL_MACHINE\SYSTEM\CurrentControlSet001\Control\StorageDevicePolicies

أو بالصورة دي

HKEY_LOCAL_MACHINE\SYSTEM\CurrentControlSet002\Control\StorageDevicePolicies

اعمل معاها زي اللي فوق


اقول لكم

ممكن تبحث في الرجستري عن WriteProtect و كل ما تلاقيها تحت مفتاح زي اللي مذكورين فوق خللي قيمتها صفر


عملت كدا

و بعد ما كان كل الفلاش ميموري و الهارد دسكات الخارجية ما بتشتغلش مع الجهاز

اشتغلت كلها