الحملة القومية لمقاطعة الزواج

انا اسف جدا على النشر

لكنني اقسمت على النشر قبل ان ادخل واقرا محتوى الخبر

اذ انهم عملوا تقنية برمجية حيث ان الرسالة لن تفتح اذا لم

اضغط زر القسم

الحقيقة ان الحملة قوية جدا لدرجة انه تم نشرها بالفعل

على الفيس بوك

محتوى الخبر الطريف يقول:

الحملة القومية لمقاطعة الزواج من مصريات

تحت شعار.. ليه تتعذب أكتر لما ممكن تتعذب أقل !

و إليكم عرض تفصيلى للمقارنة بين المصرية و الأجنبية:

أولاً

المصرية لو قلتلها صباح الخير أو أعربت عن إعجابك بفستانها أو تسريحة شعرها بحسن نية، تلاقيها افتكرت انك بتغازلها أو انك معجب بيها، و تبصلك من فوق لتحت كأنك كائن فضائى من كوكب زحل او المريخ ، مع إنه كتر خيرك أصلاً إنك بتجاملها!

أما الأجنبية لو قلتلها كدة، تبتسملك و تجاملك بكلمة ظريفة و تقدر اهتمامك بأنك تظهر اعجابك بذوقها و جمالها. وتقول لك ثنكيوا

ثانياً

أما بقى لو اتجرأت شوية و عرضت عليها دعوة فنجان قهوة أو للشاي كمان بحسن نية، هتبصلك باشمئزاز و تقولك طبعاً إنها مؤدبة ومتربية وما بتطلع مع اولاد لوحدها و تقول "يا ريت متكلمنيش فى حاجة زى كدة تانى" و طبعاً تجرى على صحباتها تحكيلهم بصوت فيه نشوة انتصار و مجد. وتصير فضيحتك بجلاجل وتشتكيك للمديرة تبع المنتدى اللي انت علقان فيه ويمكن ينشروا خبرك عالفيس بوك ومش بعيد يبلغوا عنك بوليس الاداب ويسجلوك سوابق

أما الأجنبية فالشئ الوحيد اللى ممكن يخليها ترفض أنها تكون مشغولة فى اليوم دة، أو أى سبب تانى موضوعى و منطقى بعيد عن العقد النفسية اللى عند البنت المصرية

ثالثاً

لو اعجبت بواحدة مصرية (دا إن حصل أصلاً) و حاولت تتقرب منها و إنك تكون لطيف معاها، تلاقيها سبحان الله اتقلبت 180 درجة و بقت فى قمة الألاطة و الشياكة و تكلمك من مناخيرها مع إنها بتكون مبسوطة من جواها إنه فى حد أصلاً عبرها، و البيه طبعاً زى البأف يندلق و يجرى وراها، مع إنه لو سابها شوية تلاقيها هى اللى اتغيرت تانى و رجعت تجرى وراه.

أما لو اعجبت بواحدة أجنبية و حاولت تتقرب منها، تلاقيها بتحاول هى كمان تقربلك و توجد مساحة للحوار و الاتصال بينها و بينك و تشجعك على انك تاخد خطوات أطول عشان تقرب منها أكتر، مش تتجاهلك عشان تجرى وراها!

رابعاً

لو رحت بقى لمحتلها بأنك عايز ترتبط بيها، تلاقيها بتعمل نفسها مش فاهمة، و يطلع عينك فى إنك تفهمها بشكل غير مباشر، و برده تفضل عاملة مش فاهمة (تقريباً دة ليه علاقة بمستوى الذكاء عند البنت المصرية)

أما الأجنبية بمجرد أنك تعمل موقف يبان منه رغبتك فى الارتباط بيها، تلاقيها هى اللى جتلك و أعلنت عن رغبتها فى الارتباط بيك هى كمان، معندهاش عقدة الخوف من إنها تبان مدلوقة عليك، لأن دة مش بيقلل من قيمتها أبداً.

خامساً

لو بقى أخيراً صارحتها بشكل مباشر، تلاقيها عملت نفسها اتفاجئت (مع إنها عارفة من ست شهور مثلاً) و تقولك "طيب سيبنى شوية أفكر" و تسيبك متردش عليك و لا تكلمك إلا أما أنت تكلمها بعد كام يوم.

أما الأجنبية فالموضوع بالنسبة لها أبسط بكتير، يس أو نو، لا ثالث لهما.

سادساً

لو اندلقت و دخلت فى علاقة مع واحدة مصرية (للأسف) هتلاقيها بتحاول تمارس عليك كل أنواع السيطرة الذهنية و العصبية، 15 مكالمة و 32 رسالة فى اليوم، و لو مردتش عليهم كلهم هتقدمك لمحاكمة عسكرية بتهمة خيانة الوطن، و عشان تبرر و تعتذر خوذ حجج ومبررات ومش عارف ايه و هتلاقى نفسك بستهلك 95% من قدرة الجهاز العصبى و دة بيأثر طبعاً على قدرتك على إنجاز مهامك الوظيفية.

أما الأجنبية فبتكون أقل إزعاجاً، تتكلم مرة لو مردتش فأكيد دا معناه إنك وراك حاجة هتعملها و تطلبها (مفهومة يعنى).

سابعاً

المصرية بقى لو شمت فى هدومك ريحة بارفان حريمى أو شافت نمرة واحدة على موبايلك، يبقى إنت كدة رحت فى داهية، و الجملة المشهورة طبعاً "يا خاين يا غشاش".

يا مامن للرجالة يا امنة للمية بالغربال ياختي

أما الأجنبية فاهمة طبعاً إنك كل يوم فى إجتماع أو فى لقاء مع وفود أجنبية معاك فى الشغل أو بتقابلهم بره مجال الشغل و إنك مفروض تكون شخص اجتماعى عشان شغلك و علاقاتك، و حتى عشان حياتك كمان.

ثامناً

المصرية لو حبيت إنك توصلها مشاعرك و تمسك إيديها أو تحط إيدك على كتفها بذوق و احترام، تتشنج و تبعد عنك و تبدأ تعنفك كأنك شخص قليل الأدب (طبعاً عشان تفهمك إن محدش مسك إيدها قبل كدة)، و مش بعيد تعملك محضر تحرش فى قسم البوليس، رغم إنها بتكون مبسوطة من جواها.

أما الأجنبية طبعاً بتكون فاهمة إنك عايز توصلها شعور روحانى جميل بعيد عن أى تصور شهوانى و بتساعدك فى توصيله و كمان هى بتوصللك الشعور دة، و روح الانسان بتنتعش كدة و عينيه تبرق من السعادة فى الحالة الروحانية الجميلة دى.

تاسعاً

المصرية لو ماجبتلهاش 15 هدية فى الشهر ، واحدة فى الفالنتين (المصرى و الأجنبى) واحدة فى عيد ميلادها و واحدة فى عيد ميلاد أخوها الصغير و واحدة فى العيد القومى للمحافظة، و واحدة فى اليوم اللى قابلتوا بعض فيه ووحدة في يوم تاسيس المنتدى ، و واحدة فى اليوم اللى قررتوا ترتبطوا ببعض فيه، و واحد فى اليوم اللى اتصالحتوا فيه، لو معملتش كل دة يبقى مبتحبهاش!

أما الأجنبية لو بس قلتلها كل سنة و أنت طيبة مع بوكيه ورد صغير، هتحس إنك بتحبها و تحسسك بكدة، قيمة الهدية متهمهاش على قد قيمة الشخص اللى بيقدملها الهدية.

عاشراً

و أخيراً لو منفعتش العلاقة بينكم (و دا فى الغالب اللى بيحصل) هتلاقيها بتسب و تلعن فى اليوم اللى عرفتك فيه، و تفضل تحكى لصاحباتها على كل العيوب اللى فيك و اللى مش فيك، و طبعاً تمسحك من على الأكونت بتاعها و لو شافتك صدفة فى الشارع تكشر و تلف الناحية التانية و لا كأنكم عرفتو بعض قبل كدة.

أما الأجنبية فالموضوع أبسط من كدة بكتير يا جماعة، لو مفيش توافق خلاص و إيه يعنى، تتفق معاك على إنكم تسيبوا بعض و ترجعوا تبقوا صحاب تانى، و مفيش مانع إنكم تتقابلوا و تخرجوا مع بعض عادى، و لو اتكلمت عنك مع صحابها هتقول فيك كل خير.

توصيات

طيب لما تبقى الكواليتى أعلى و التكلفة (المادية و المعنوية) أقل، يبقى لازم الشباب يفوق و يمارس ضغوطه على الفتاة المصرية من أجل أن تعدل من سلوكها و معتقداتها و طريقة تعاملها عشان تقدر تنافس فى السوق العالمية، لأن المنافسة أصبحت عالبحرى فى ظل العولمة و انفتاح الأسواق، هذا فى الوقت الذى يزداد فيه الطلب على الرجل المصرى عالمياً.

و الله البنت المصرية طيبة و كويسة قوى و رائعة، بس فيه كدة معتقدات و سلوكيات (يا باااااااااااااى) لازم تتعدل، ما أكيد يعنى لما تكون بتبص للراجل بنظرة تربص دائمة و كأنه ذئب متوحش أو كائن فضائى، أكيد مش هيحس أنه مبسوط، و هيدور عاللى يقدره و يحترمه و يعيش لحظات سعيدة معاه.

و من منبرى هذا أود أن أتوجه إلى السيد وزير الخارجية بطلب تعديل مواد السلك الدبلوماسى من أجل السماح للدبلوماسيين (الدبلوماسيات لاء) بالتزوج من أجانب، و ذلك بهدف تعزيز العلاقات المصرية الخارجية و خلق فرص أفضل للاستثمار المباشر و ذلك وفقاً للبرنامج الانتخابى للسيد رئيس الجمهورية.

أنا كدة خلصت شكراً

المشكلة انه قائد الحملة وكاتب المقال مصري

طبعا هذا الكلام مجرد هراء و

رماد سيذرى في الهواء

بغض النظر عن الجنسية سواء مصرية او غيره

البنت الملتزمة بادبها ودينها واخلاقها تكون وتبقى جوهرة نادرة

يسعى ويحفى ورائها الكثير

من الشباب ولا ينالها الا الاجدر والذي يستحق

بالعكس من البنت اللعوب التافهة اللي بتبقى عاملة زي كرة التنس

من شب الى اخر

تحياتنا و اسفين جدا على الازعاج

ياربي وإشمعنا المصرية وليه ميقولش

الشرقية مثلاً أو العربية

بإعتقادي الكاتب الأصلي للمقال مضايق منها بشكل بشع

هههههههههه

ويمكن دة اللي بيخليه يتحامل عليها

ويجمل في الأجنبية برغم أنه الأجنبية من وجهة نظري لا تمتلك

مميزات

بالعكس كلها عيووووب وغير جديرة بدخول في منافسه أساساً ويا

الشرقية المسلمة سواء مصرية أو عربية

أرق تحياتي

الله يسامحك يا ستاذ

انا امي مصرية

واحبها موت والله احسن من كل امهات ربعي

تدري ان ما عندنا بشكارة وبابا عطول ينازعها يوم تتعب

وهي ما تبغى تحب تطعمنا بيدها وتوصلنا كل يوم حد الباص

وما تروم تسيبنا لين يمشي السايق ماتنام لين ننام قبلها

انا احبها وافداها بعمري

اليازية كتب:: الله يسامحك يا ستاذ

انا امي مصرية

واحبها موت والله احسن من كل امهات ربعي

تدري ان ما عندنا بشكارة وبابا عطول ينازعها يوم تتعب

وهي ما تبغى تحب تطعمنا بيدها وتوصلنا كل يوم حد الباص

وما تروم تسيبنا لين يمشي السايق ماتنام لين ننام قبلها

انا احبها وافداها بعمري

ياريت يا انسة لو سمحتي تسالي مامتك؟؟

ليه مامتك مش عاوزة تجيب خدامة للبيت

لانها ست نظيفة وعايزة بيتها يبقى نضيف

هم دول المصريات اللي يشرفوك ويشرفوا اهلك

راكب عربية اخر موديل وبالاخر تطلع بن الخدامة

I'm sorry

I did not mean to offend

مش انا

شحذت كل اسلحتي حتى المحظورة منها للدفاع عن المرأة المصريه ومن خلالها العربيه بشكل عام لكن عندما قرأت ردك الشخصي على الموضوع وضعتها الى اشعار اخر What a Face

ردك كفى ووفى خيو الموضوع فكاهي لكن مستفز

تحياتي لك ولقلمك عزيزي

دا الموضوع ابتزاز

وياترى يا كاتب الموضوع الأصلى

أختك كده والا هى مختلفة

يا ربي ليه كدا بس دا موضوع مستفز جدا

يبدو انه فعلا مستفز جدا

شكرا لكل من استفزاو لم يستفز

» قسم المصرين عند الزواج
» الزواج في الماضي والحاضر...
» اغرب عادات الزواج !!!!!!
» انواع الزواج ( بحث صغير من مجهودي )
» رفض الزواج منها فقتلته بسكب ماء النار على أعضائه التناسلية