مقتطفات شعرية

موضوع: مقتطفات شعرية الأحد يناير 23, 2011 11:50 am

حاول تقدر موقفي لو تكرمــــت......من شان ماض راح تسمع دفاعي
قبل الزعل ليتك لوضعي تفهمت......ما بيننا عشرة عمر لو تراعــــي
تراك في حكمك علينا تسرعــت......خلك حليم ولا تصير اندفاعـــــي
كان الخطى مني فأنا لك تعذرت.....قلبك عطوف و ما يسرك ضياعي
دامك بقلبي من إسنين تحكمــت.......ما شوف لهروج تجي منك داعي
كل الهموم أنساه لا من تبـيـنـت......أهواك أنا مهما تكون اندفاعــــــي

لا تزيد الجرح ماقصر زمــــاني....شايلٍ بالقلب أحزان الــســنـــيـــن
لاتزيد الجرح مافيني كفـــانــــي....لا تصير اليوم مع وقتي مـــعـــين
ياحياة الروح ربي بك بلانــــــي....بالحشاء لك جرح يالغالي مــكـين
في زمانٍ فات يالغالي ترانــــــي....أخفي الأحزان والعبرة تــبــيــــن
مندفع لك جيت شوقي لك حداني....جيت أبي نظرات عطفك والحنين
عمري اللي ظاع باحلام وأماني....شوفتي لك يوم والفرقا ســنـــيـــن

انشهد إنك شاطرٍ بالتحـــــــــــدي....وانشهد انه غلطتي يا عشــــــيري
حطيت قلبي شمعة لك تــعــــــدي....واحرقتني يومك عرفت المسـيري
درب يودي يالغضي مايـــــــردي....تلقى على طبعك من الناس غيري
حفظت أنا عهدك وضيعت عهدي....الشوك لي والورد كله لغــيـــــري
أحرقت رسمك يوم يدك بيــــــدي....واليوم ودي عن هواك استخـيري
القلب يعطي مرةٍ مايـــــــــــردي....حبك تحكم واستقر بضمــيــــــري
ذكرى سنين في دقايق تــعـــــدي....ويلاه من ضيم الحياة الــمـــريري

لولا الوفاء ما شدني لك جمالك....لا يخدعك وقت الندم لو صفالك
إخلاصك الوهمي كشفناه تالي....هديت كل اللي بنيت بخـــــــيالك
غروك ناسٍ يدعون الوفـــا لك....حديتن أبعد يالغضي عن مجالك
ما طاع قلبٍ يبتعد قال وشلون....وشلون قلي تبتعد عن ضـــلالك
في عزتي للنفس يا قلبي بعته....ما ظنتي يا قلب يلقا بـــدالـــــــك
أختار درب الشوق يا قلب خله....يا قلب إنساه واذكر اللي جرالك

الله ينور عليك جاسم

شكرا لك

ياللله يا واحدا فوق السماوات عالي

من سطوته كل الخلايق ذليلاه

يالله يارب عليك حالي واتكالي

ارحم ذليل صاغر بليا قوة ولا حيلاه

شو رايك جسوم اعرف اكتب شعر ولا لا ؟؟

» مقتطفات من الحياة..
» مقتطفات طريفة
» قصيدة شعرية عجيبة
» مناظرة شعرية بين ادم وحواء