إثر سماعنا بتقديمه استقالته هههههههههه

[ندعوك للتسجيل في المنتدى أو التعريف بنفسك لمعاينة هذا الرابط]


إثر سماعنا بتقديمه استقالته كان لنا الحوار التالي مع إبليس :


كان إبليس في غرفته,يلملم ملابسه في حقيبه إلى جانب باقي متعلّقاته,وعلى المنضدة القريبة كانت استقالته موقّعة ومختومة حسب الأصول من الجهات المعنية,وبجوارها تقبع تيكيت وفيزا إلى الصومال..

كانت ملامح وجهه في تلك اللحظات تنطق بالحزن والكآبة والإحباط واليأس, وقلّة الحيلة ...مع دهشة مزمنة ارتسمت عليه منذ فترة ليست بالقريبة,

واعترافٍ بالعجز والفشل!!

إبليس راحلٌ عن بلادنا إلى غير رجعة.. فليفرح المؤمنون.....

سؤال : وين يامسهّل؟ ليش عم بتضبّ غراضك يا إبليس؟

إبليس :يازلمة ماضلّلي قعدة عندكم,إلي سنين عاطل عن العمل وقرّبت موت من الجوع ..ما بلاقي معك سيجارة يا أخي ؟

سؤال: ومين رح يوسوسنا لو سافرت وتركتنا؟

إبليس: ما بقى لازمكم لا وسواس ولا خنّاس!

كنت زمان أوسوس للواحدة تترك ابنها يبكي وهي عم تحكي مع جاراتها,هلأ صاروا لحالهم.. يرموا اولادهم بالحاوية أوّل ما يجوا !!!

كنت أوسوس للواحد ينسى يسمّي الله قبل ما ياكل,هلأ بطّل حدا يلاقي شي ياكله أصلاً !!! وإذا لقى بيتسمم,إذاأنا إبليس واتسمّمت بالشاورما !!

كنت وسوس لشرطي المرور يطلب رشوة من المواطن أحسن ما يخالفه, هلأ صار المواطن بحط الرشوة بجيبة الشرطي بكل ممنونية حتى ما يخالفه حسب تسعيرة المخالفات الجديدة !!

كنت كمان بوسوس للشب يرميلو كلمة عالبنت وهي ماشية بالشارع, صاروا البنات يرمو عالشباب كلام أنا نفسي بستحي أحكيه !!

واحد بيسرق 100 مليون عينك عينك بيحبسوه 3 سنين بفيلاّ عالبحر, وإثنين عم بينبشوا بمكبّ الزبالة بتقوصهن الشرطة !!

فإنتو بدّكم إبليس إنتوا ؟؟؟؟

صار عندكم فائض بالفساد بكفّي 30 سنة لقدّام,صرت خاف على حالي منكم يا زلمة !

صرت انجبر مرّات وسوس بالمقلوب وقول للمسؤول إرحم, وللحرامي بيكفّي..خلّي شويّ للحراميّة اللي رح ييجوا بعدك..

يعني إذا إنتو لحالكن ما شاء الله بتعملوا كل هالبلاوي,أنا إبليس شو أعمل ؟

سؤال أخير: ليش ما تشتغل شغلة تانية هون بالبلد؟

إبليس: يا أخي قدمت للأوقاف يعيّنوني إمام جامع! بس طلع بدهن واسطة قوية !!

[ندعوك للتسجيل في المنتدى أو التعريف بنفسك لمعاينة هذا الرابط]